Ajar Ǵınııat el azamattary óz densaýlyǵyna qansha qarajat jumsaıtynyn aıtty

<p>Qazaqstanda adamdardyń densaýlyqqa jumsaıtyn qalta shyǵyndary 31,1 paıyz shamasynda. Bul týraldy Parlament Májilistegi Úkimet saǵatynda QR Densaýlyq saqtaý mınıstri Ajar Ǵınııat aıtty, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat </a>tilshisi.</p>

«Damyǵan elderde, sonyń ishinde Ekonomıkalyq yntymaqtastyq jáne damý uıymy elderinde densaýlyq saqtaýdyń qazirgi shyǵyndary jalpy ishki ónimniń shamamen 10,2 paıyzyn qurady. Dúnıejúzilik densaýlyq saqtaý uıymy ekonomıkasy damýshy elderde medıtsına júıeleriniń turaqtylyǵyn qamtamasyz etý baǵytynda jalpy ishki ónimniń 5 paıyzdan 8 paıyzǵa deıingi kólemin jumsaýdy usyndy», - dedi A. Ǵınııat.

Onyń aıtýynsha, Ekonomıkalyq yntymaqtastyq jáne damý uıymy elderinde densaýlyq saqtaýǵa arnalǵan qalta shyǵyndary jalpy shyǵyndardyń orta eseppen 16,9 paıyzyn quraǵan.

«Al Qazaqstanda onyń kólemi 31,1 paıyz shamasynda. Dúnıejúzilik densaýlyq saqtaý uıymynyń usynymy boıynsha bul kórsetkish 20 paıyzdan aspaýy tıis. Álem elderdegi jarnalar men aýdarymdar da túrli deńgeıde. Bul turǵyda bizdegi jarnalar eń tómen sanalady, ıaǵnı 5 paıyzdy qurady (jumys berýshiniń 3 % jáne qyzmetkerdiń tabysynyń 2 %, memleket 2-3% quraıdy)», - dedi mınıstr.