Ajar Ǵınııat Dúnıejúzilik densaýlyq saqtaý uıymynyń marapatyn aldy

NUR-SULTAN. QazAqparat - Dúnıejúzilik densaýlyq saqtaý uıymynyń Qazaqstandaǵy resmı ókili Kerolaın Klarınval «Deni saý ult» ulttyq medıtsına sammıti barysynda DDU Eýropa óńirlik bıýrosynyń dırektory Hans Klıýge atynan Ajar Ǵınııatqa marapatty tabys etti, dep habarlaıdy QazAqparat.

«Búgin Qazaqstannyń densaýlyq saqtaý mınıstri d-r Ajar Ǵınııatqa d-r Hans Klýge atynan jáne DDU Eýropalyq óńirlik bıýrosynyń jáne DDU Qazaqstandaǵy eldik ofısiniń barlyq qyzmetkerleri atynan marapat tabystaý - men úshin úlken qurmet. Qazaqstanda 19 maýsym kúni atalyp ótetin medıtsına qyzmetkerleri kúnine oraı doktor Ǵınııatqa marapat tapsyrý sátinde erekshe tolqyp turmyn. Doktor Ǵınııat, Qazaqstandaǵy pandemııamen kúreske qosqan zor úlesińiz úshin alǵys aıtamyn, sizge jáne Qazaqstannyń búkil densaýlyq saqtaý qyzmetkerlerine zor densaýlyq, amandyq tileımin», - dedi Kerolaın Klarınval marapatty QR DSM basshysyna tabystaı otyryp.