Ajar Ǵınııat densaýlyq saqtaý salasyn qarjylandyrýdyń jańa tásilderin atady
«Memleket basshysy 2022 jylǵy 1 qyrkúıektegi Qazaqstan halqyna Joldaýynda densaýlyq saqtaý salasyna qarjynyń jetkilikti bólinbeýi qalypty jaǵdaıǵa aınalǵanyn, sonyń kesirinen azamattar saqtandyrý júıesine qosylsa da olarǵa medıtsınalyq qyzmetterdi tolyq kólemde kórsetilmeı otyrǵanyn atap ótti. Salany qarjylandyrý tásilderin qaıta qarap, biz mynadaı is-sharalardy: tegin medıtsınalyq kómektiń kepildik berilgen kóleminiń shyǵystaryn jáne halyqtyń 15 jeńildikti sanaty úshin memlekettiń medıtsınalyq saqtandyrý júıesine aýdaratyn jarnalaryn qosymsha qarjylandyrý máselesin pysyqtaý, qarajatty ákimshilendirýdi ońaılatý jáne ony tıimdi paıdalaný úshin tegin medıtsınalyq kómektiń kepildik berilgen kólemi men mindetti áleýmettik medıtsınalyq saqtandyrý júıesi paketteriniń qarjylyq shyǵynyn biriktirýdi zań boıynsha retteý iske asyrýdy josparlap otyrmyz», - dedi ol.
Mınıstrdiń aıtýynsha, Mindetti áleýmettik medıtsınalyq saqtandyrý júıesimen birge erikti medıtsınalyq saqtandyrýdy tolyq iske qosý úshin medıtsınalyq kómektiń baǵyttary, erikti medıtsınalyq saqtandyrý qarajatymen jabylatyn qyzmetterdiń tizbesi aıqyndalatyn bolady.
«Sondaı-aq, sheteldikter, atap aıtqanda, eńbek mıgranttary men sheteldik stýdentter úshin júktelgen medıtsınalyq saqtandyrý zańnama boıynsha bekitiledi jáne iske asyrylady», - dedi Ajar Ǵınııat.