Ajar Ǵınııat balalardy qyzylshaǵa qarsy ýaqytyly vaktsınalaýǵa shaqyrdy

<p>Densaýlyq saqtaý mınıstri Ajar Ǵınııat búgin barlyq qazaqstandyq ata-analarǵa balalaryn qyzylshaǵa qarsy ýaqytyly vaktsınatsııalaýǵa shaqyrdy, dep habarlaıdy <a href="https://kaz.inform.kz/" target="_blank" rel="noopener">Kazinform </a>mınıstrliktiń baspasóz qyzmetine silteme jasap.&nbsp;</p>

«Búgin nemerem ekeýmiz álemniń kóptegen elderindegideı bizdiń elimizdegi qolaısyz epıdemıologııalyq jaǵdaıdy eskere otyryp, qyzylshaǵa qarsy ekpe alý úshin qalalyq emhanaǵa keldik. Sonymen qatar Qazaqstanda epıdemıologııalyq jaǵdaıdyń nasharlaýy qyrkúıek aıynan bastap baıqaldy, balalar uzaq ýaqyt jabyq úı-jaılarda ótkizetin mektepke bardy», - dedi mınıstr búgin Astana qalasynyń 9 emhanasynda.

Ol bul ınfektsııanyń ásirese juqpaly ekenin, jótelgende, túshkirgende aýa tamshylary arqyly tez beriletinin atap ótti.

«Sondyqtan biz sońǵy eki aıda bul aýrýdyń kúrt óskenin kórip otyrmyz. 13 myńnan astam adam aýyryp qaldy, onyń 83%-y negizinen 5 jasqa deıingi balalar, egilmegen eresekter de bar», - dep jalǵastyrdy Densaýlyq saqtaý mınıstrliginiń basshysy.

Bul jaǵdaıda naýqastardyń 70%-y egilmegen balalar.

«Olardyń kópshiligi, ıaǵnı 60%-y vaktsınatsııalaýdan bas tartýǵa baılanysty egilmegender, medıtsınalyq qarsy kórsetilimderge baılanysty 18% egilmegender, 22% egý jasyna jetpegender. Búgingi tańda barlyǵy 2013 bala, onyń ishinde 30 bala aýyr jaǵdaıda emdeýge jatqyzyldy», - dedi mınıstr.

A.Ǵınııattyń aıtýynsha, qyzylshamen syrqattanýshylyqtyń ósýi aıasynda qosymsha ımmýndaý júrgizý týraly sheshim qabyldandy. Ol qańtar aıynyń sońyna deıin sozylady, vaktsına jetkilikti.

«Qyzylshaǵa qarsy profılaktıkalyq ekpesi joq balalardy egemiz, ınfektsııa oshaqtarynda ekpe almaǵan baılanysta bolǵandardy egemiz. Barshańyzdy aýrýdan saqtaný úshin emhanaǵa shaqyramyz», - dedi mınıstr.

Densaýlyq saqtaý mınıstri ınfektsııalyq aýrýdyń saldary týraly eskertti.

«Qyzylsha pnevmonııa, túrli qabyný, otıt sekildi, soqyrlyqqa deıin qaýipti asqynýlarǵa ákelýi múmkin. Búgingi tańda qyzylshany emdeýdiń ózine tán emi joq, sondyqtan mundaı qaýipti ınfektsııadan saqtanýdyń jalǵyz joly – tek vaktsınatsııalaý. Vaktsınanyń ózinen qoryqpaý kerek, ol tekserilgen, biz ony jyl saıyn ulttyq egý kúntizbesine sáıkes qoldanamyz», - dep qorytyndylady vedomstvo basshysy.

Vaktsınatsııalaý erejelerine sáıkes ımmýndaý pedıatr balany teksergennen keıin ǵana júrgiziledi. Oǵan anamnez jınaý, temperatýrany ólsheý, egiletin adamnyń jaǵdaıyn baǵalaý kiredi. Sodan keıin egýge aqparattandyrylǵan kelisimge qol qoıylady. Ary qaraı ımmýndaýdan keıin 30 mınýttyń ishinde egilgen náreste dárigerlerdiń baqylaýynda bolady.

Qyzylshaǵa qarsy profılaktıkalyq egý kúntizbesine sáıkes josparly túrde eki ret egiledi: bala alǵashqy egýdi 12-15 aılyǵynda, ekinshisin 6 jasta alady.

Osy jyly DMI sheńberinde vaktsınatsııalaý halyqtyń mynadaı toptaryna: 6 aıdan bastap 10 aı 29 kún bolǵan balalarǵa, 2 jastan bastap 4 jas 11 aı 29 kún bolǵan balalarǵa, sondaı-aq buryn egilmegen medıtsına qyzmetkerlerine (55 jasqa deıin), profılaktıkalyq egpe almaǵan 18 jasqa deıingi adamdarǵa júrgiziledi.