Ajar Ǵınııat aýyldarda jıi kezdesetin aýrýlardy atady

ASTANA. QazAqparat - Búgin Parlament Májilisinde Úkimet saǵatynda QR Densaýlyq saqtaý mınıstri Ajar Ǵınııat aýyldarda jıi kezdesetin aýrýlardy atady, dep habarlaıdy QazAqparat tilshisi.

«Aýyl halqynyń densaýlyǵyna keletin bolsaq, kóbinese tynys alý organdary aýrýlarynan zardap shegedi, ıaǵnı onyń úlesi 42,7 paıyz. Ekinshi orynda as qorytý (9%), úshinshi oryda nesep-jynys júıesi (6,3%), tórtinshi orynda qan aınalym júıesi aýrýlary (5,4%) tursa, odan keıin jazataıym oqıǵalar men alǵan jaraqattan bolǵan aýrýlar (4,6%) jáne onkologııalyq indet (1 paıyz) tur», - dedi A. Ǵınııat aýyldaǵy densaýlyq saqtaý máselesin talqalýǵa arnalǵan Úkimet saǵatynda.

Onyń aıtýynsha, aýyldarda ólim-jitim kórsetkishiniń qurylymynda qanaınalym júıesiniń aýrýlarynan, qaterli isikterden, tynys alý aǵzalarynyń aýrýlarynan jáne jaraqattardan bolatyn ólim qalaǵa qaraǵanda basym.

«Koronavırýs ınfektsııasy pandemııasynyń jalpy halyq densaýlyǵynyń negizgi kórsetkishterine áser etkenin atap ótken jón», - dedi mınıstr.

Budan buryn habarlanǵandaı, vedomstvo basshysy aýyldaǵylar qala turǵyndaryna qaraǵanda uzaǵyraq ómir súretinin aıtty.