Ázerbaıjannyń SІM basshysy QR Táýelsizdiginiń 25 jyldyǵy medalimen marapattaldy
15:27, 28 Jeltoqsan 2017
BAKÝ. QazAqparat - Ázerbaıjannyń Syrtqy ister mınıstrliginde Qazaqstannyń Ázerbaıjandaǵy elshisi Beıbit Isabaev syrtqy saıasat vedomstvosynyń basshysy Elmar Mamedıarovpen kezdesti, dep habarlaıdy Ázerbaıjandaǵy «QazAqparat» HAA tilshisi.
Kezdesý barysynda Beıbit Isabaev ÁR SІM basshysyna eki el arasyndaǵy yntymaqtastyqty damytýǵa qosqan úlesi úshin «Qazaqstan Respýblıkasynyń Táýelsizdigine 25 jyl» merekelik medalin tapsyrdy.
Kezdesý aıasynda taraptar eki jaqty qarym-qatynas máselelerin talqylady.