Ázerbaıjannyń bılik basyndaǵy partııasy parlamentti taratýǵa keńes berdi

BAKÝ. QazAqparat – Enı Ázerbaıjan bıleýshi partııasy (EÁP) saıası keńesiniń otyrysy barysynda partııa atynan saılanǵan parlamenttegi depýtattarǵa parlamentti taratý týraly bastamany kóterýge keńes berildi.

Bul týraly vıtse-premer, basqarýshy partııanyń atqarýshy hatshysy – tóraǵa orynbasary Alı Ahmedov beısenbi kúni baspasóz máslıhatynda aıtty, dep habarlaıdy QazAqparat tilshisi.

Sondaı-aq, ol Saıası keńeste el parlamentindegi reformalardyń jalǵasýyna qatysty máseleler talqylandy. Osy elde júrgizilip jatqan reformalar qoǵamdyq ómirdiń túrli salalaryn qamtıdy. Atalǵan ózgeristerdiń maqsaty – respýblıkany damytý, ekonomıkany ártaraptandyrý, áleýmettik salany qarqyndy damytýdy qamtamasyz etý jáne azamattardyń ál-aýqatyn arttyrý.

Onyń aıtýynsha, qazirgi tańda atqarýshy bılik pen sot-quqyq júıesinde reformalar júrip jatyr. Reformanyń tujyrymdamasy tolyqtaı bir júıege engenshe, ózgertýler barlyq úsh tarmaqta júrgizilýi tıis. Partııa músheleri zań shyǵarýshy bılik shette qalyp qoımaýy kerek degen baılamǵa keldi.

Parlamentte EÁP úlesi basymyraq. Saıası keńes depýtattyq korpýsqa memleket basshysyna parlamentti taratý týraly bastamany kóterýge keńes berdi.

Avtory: Bekbaý Taımanov