Ázerbaıjannyń jańa áskerı attashesi tanystyryldy

<p>ASTANA. KAZINFORM — Qazaqstan Qorǵanys mınıstrliginde Ázerbaıjannyń jańa áskerı attashesi tanystyryldy, dep habarlaıdy vedomstvonyń baspasóz qyzmeti.</p>

Qazaqstan Qorǵanys mınıstri general-polkovnık Rýslan Jaqsylyqov Ázerbaıjannyń Qazaqstandaǵy Tótenshe jáne Ókiletti elshisi agalar Atamoganov bastaǵan sheteldik delegatsııany qabyldady.

— Qazaqstannyń qorǵanys vedomstvosynyń basshysy ekijaqty yntymaqtastyqtyń oń dınamıkasyn atap ótip, jańadan taǵaıyndalǵan áskerı attashe polkovnık Fýad Ibragımovqa jańa laýazymda abyroıly qyzmet tiledi, — delingen Qorǵanys mınıstrliginiń habarlamasynda.

Kezdesý barysynda taraptar ózara qyzyǵýshylyq týdyratyn salalardaǵy is-qımyldy keńeıtýge umtylysyn rastady.

Buǵan deıin Qorǵanys mınıstrligi Golan jotalaryndaǵy bitimgerlerdiń qaýipsizdigi úshin qajetti shara qabyldap jatqany anyqtaldy.