Ázerbaıjannan qyzanaq alyp kelýge ýaqytsha tyıym salyndy – QR AShM

NUR-SULTAN. QazAqparat - QR AShM Agroónerkásiptik keshendegi memlekettik ınspektsııa komıteti karantındik fıtosanıtarııalyq shara retinde Ázerbaıjan Respýblıkasynyń aýmaǵynan qyzanaq alyp kelýge ýaqytsha shekteý engizdi. Bul týraly QazAqparat atalmysh vedomostvonyń baspasóz qyzmetine silteme jasap habarlaıdy.

Ázerbaıjan elinen jetkizilgen qyzanaq jemisterine karantındik fıtosanıtarııalyq baqylaý júrgizý kezinde 17 jaǵdaıda Tomato brown rugose cfruit virus (ToBRFV) vırýsy anyqtaldy. Osyǵan baılanysty Komıtet ýaqytsha karantındik fıtosanıtarııalyq shara engizdi.

ISPM №13 «Sáıkestik jáne tótenshe jaǵdaılar týraly eskertý nusqaýlyǵy» Halyqaralyq standarttaryna sáıkes Ázerbaıjan agenttigine tıisti notıfıkatsııalar jiberildi.

Qazaqstan Respýblıkasynyń aýmaǵynda vırýstyń taralýyna jol bermeý maqsatynda shekteý sharalary 2021 jylǵy 16 qańtardan bastap engizildi.

Qyzanaq jemisteriniń Tomato brown rugose cfruit virus (ToBRFV) vırýsy alqa tuqymdastary daqylynyń 30-70% ósiminiń tómendeýine alyp kelýi múmkin.