Ázerbaıjannan Qazaqstanǵa aqsha aýdarymdarynyń kólemi 50%-ǵa ósti

<p>ASTANA. KAZINFORM&nbsp;&mdash; 2024 jyldyń qańtar-qyrkúıek aılarynda Ázerbaıjannan Qazaqstanǵa jeke tulǵalardan aqsha aýdarymdarynyń kólemi 7,32&nbsp;mln dollardy qurady, dep habarlaıdy <a href="https://www.trend.az/business/finance/3992325.html" target="_blank" rel="noopener">Kazinform tilshisi</a> Trend-ke silteme jasap.&nbsp;</p>

Ázerbaıjan Ortalyq bankiniń (ÁOB) derekterine negizdelgen esepteýlerge sáıkes, bul kórsetkish ótken jyldyń sáıkes kezeńimen salystyrǵanda 51,87 paıyzǵa nemese 2,5 mln dollarǵa ósti.

Bul rette Ázerbaıjannan Qazaqstanǵa aýdarylǵan transfertterdiń jalpy kólemindegi úlesi 1,8 paıyzdy qurap otyr.

— Al, Qazaqstannan Ázerbaıjanǵa jeke tulǵalardan aqsha aýdarymdarynyń kólemi dál osy kezeń — ótken jyldyń 9 aıynda 17,794 mln dollardy qurady. Bul kórsetkish ótken jyldyń sáıkes kezeńimen salystyrǵanda 21,74 paıyzǵa nemese 4,944 mln dollarǵa qysqarǵan. Aýdarymdardyń jalpy kóleminde Qazaqstannan Ázerbaıjanǵa aýdarymdardyń úlesi 2,1 paıyzdy quraıdy, — dep naqtylady Trend Ázerbaıjan Ortalyq bankine silteme jasap. 

Jalpy, 2023 jyldyń sońyna qaraı jeke tulǵalardan Ázerbaıjannan Qazaqstanǵa aqsha aýdarymdarynyń kólemi 7,476 mln dollardy, al keri baǵytta 30,583 mln dollardy qurady.
ÁOB málimetinshe, 2024 jyldyń birinshi jartyjyldyǵynyń qorytyndysy boıynsha Reseı jeke tulǵalardan Ázerbaıjanǵa aqsha aýdarymdary boıynsha kósh bastap tur, biraq aýdarymdar kólemi eki eseden astam — 608 mln-nan 287,1 mln dollarǵa deıin qysqardy.

Kórsetilgen kezeńde Ázerbaıjanǵa aqsha aýdarymdary boıynsha elderdiń «bestigine» (Reseıden basqa) kelesiler kirdi: Túrkııa — 82,3 mln dollar, AQSh — 30,5 mln dollar, Grýzııa — 17,4 mln dollar jáne Ulybrıtanııa — 16,1 mln dollar.

Eske sala keteıik, buǵan deıin Aqtaý mańynda ushaq apatynan qaza tapqan Ázerbaıjan azamattarynyń nesıelik mindettemeleri ótelgenin jazǵan bolatynbyz.