Ázerbaıjandaǵy saılaý jaqsy deńgeıde ótkizildi - Berik Imashev

ASTANA. QazAqparat - 12 sáýirde Baký qalasynda QR Ortalyq saılaý komıssııasynyń tóraǵasy Berik Imashev Ázerbaıjan Respýblıkasynyń prezıdent saılaýynda TMD baqylaýshylar mıssııasy jumysynyń qorytyndylary boıynsha baspasóz konferentsııasyna qatysty, dep habarlaıdy QazAqparat QR OSK baspasóz qyzmetine silteme jasap.

Mıssııa basshysy, TMD Atqarýshy komıssııasynyń tóraǵasy Sergeı Lebedev 11 sáýirde bolǵan merzimnen tys prezıdent saılaýy básekelestik negizinde, erkin, ashyq jáne Ázerbaıjannyń Konstıtýtsııasy men Saılaý kodeksine saı ótkenin aıtty.

QR OSK tóraǵasy B.Imashev TMD baqylaýshylar mıssııasy quramynda saılaýǵa 34 qazaqstandyq baqylaýshy Ázerbaıjannyń 5 aımaǵynda jumys atqarǵanyn atap ótti.

«Uıymdastyrýdyń jáne saılaýdy ótkizýdiń jaqsy deńgeıin, aımaqtyq saılaý komıssııa músheleriniń joǵarǵy biliktiligin jáne olardyń óz eliniń saılaý zańnamalaryn bilýin erekshe atap ótim keledi. IT-tehnologııalar men tehnıkalyq quraldardyń ishinde saılaý ýchaskelerindegi markerleýdi de atap ótken jón.

Saılaýǵa qatysýdyń joǵarylyǵy halyqtyń elektoraldyq-quqyqtyq mádenıeti jáne ashyq erik bildire alýǵa búkil jaǵdaıdyń jasalǵanymen baılanysty», - dedi Berik Imashev.

Sondaı-aq, ol Ázerbaıjannyń saılaý komıssııalary, onyń ishinde tómengi deńgeıdegi saılaýkomdardyń, músheleriniń kásibıligin joǵarylatý tájirıbesi nazar aýdaryp arnaıy zerdelenýi tıis ekenin atap ótti.