Azerbaıjanda jazǵy ýaqytqa kóshý toqtatyldy
19:07, 17 Naýryz 2016
BAKÝ. QazAqparat - Azerbaıjanda jazǵy ýaqytqa aýysý toqtatyldy. Osyndaı sheshimdi eldiń úkimeti qabyldady.
Naýryzdyń 26-synan 27-sine qaraǵan túnde el aýmaǵynda saǵattyń tili bir saǵatqa alǵa jyljýy kerek bolatyn. Alaıda bıyl jazǵy ýaqytqa kóshý jasalmaıdy.
1997 jylǵy Ázerbaıjan Respýblıkasy Mınıstrler kabınetiniń qaýlysy boıynsha el aýmaǵynda jyl saıyn naýryz aıynyń sońǵy jeksenbisinde jazǵy ýaqytqa kóshý júrgiziletin.
15 naýryzda Ázerbaıjannyń Ulttyq Ǵylym akademııasy elde qysqy jáne jazǵy ýaqytqa kóshýdi toqtatý jóninde usynys kóterdi. Basynda úkimet bul másele qaralmaǵanyn jetkizdi, alaıda eki kúnnen soń jazǵy ýaqytqa kóshý toqtatylatyn málimdedi.