Ázerbaıjanda jaýǵan iri burshaq 130 úıdi qıratty
19:25, 21 Maýsym 2017
ASTANA. QazAqparat - Ázerbaıjanda nóser jaýynnyń arty burshaqqa ulasyp, Gadjıkend kentiniń 130 úıi zaqymdandy, dep habarlady Trend Gıandj atqarýshy bıligine silteme jasap.
«Burshaq kenttiń ınfraqurylymyna eleýli zalal keltirdi. 114 úıdiń shatyry zaqymdandy, terezeleri syndy, keı úılerdi sý basty. Áleýmettik nysandar, egis alańdaryna, 15 kólikke zııan keltirildi. Aýa raıy tosyn minezin kent aýmaǵyndaǵy «Gosha býlag» keshenine de kórsetti. Gıandjı atqarýshy bıliginiń basshysy Elmar Velıev kentke kelip, jedel sharalar qabyldaýdy qolǵa aldy», - dep habarlady atqarýshy bılikten.
Sondaı-aq qazir tótenshe jaǵdaı boıynsha komıssııa keltirilgen shyǵyndy esepteýde, onyń saldaryn joıý boıynsha sharalar qabyldaýda.