Ázerbaıjanda jalǵan vaktsınatsııa pasportyn jasatqandar 5 jylǵa deıin túrmege qamalady

NUR-SULTAN. QazAqparat – Ázerbaıjanda koronavırýsqa qarsy vaktsınatsııa pasportyn jalǵan jasatqandar 3-ten 5 jylǵa deıin bas bostandyǵynan aıyrylýy yqtımal. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Ázerbaıjanda satyp alynǵan jalǵan vaktsınatsııa pasporttary úshin qylmystyq jaýapkershilik qarastyrylyp, bas bostandyǵynan aıyrý kózdelgen. «Ázerbaıjan zańnamasyna sáıkes jalǵan COVID-pasportyn satyp alýdyń qylmystyq quramy bar ekenin habarlaımyz», — dedi ІІM baspasóz qyzmetiniń basshysy Elshad Gadjıev. Eger vaktsınatsııa týraly zańsyz qujaty bar azamat basqa adamǵa vırýs juqtyrsa jáne ol adam qaıtys bolsa, 3-ten 5 jylǵa deıin bas bostandyǵynan aıyrý qarastyrylǵan.

Gonkong pandemııaǵa baılanysty elge kirý shekteýlerin kúsheıtýde – 21 kúndik oqshaýlaý belgilendi. Bul týraly avtonomııa ákimshiliginiń basshysy Kerrı Lam málimdedi. Alaıda, bul karantındik erekshelikterdiń shuǵyl qyzmet mamandary men azyq-túlik tasymaldaıtyn júk kólikteriniń júrgizýshilerine qatysy joq. Kerrı Lam karantındik sharalardy kúsheıtý materıktik Qytaımen shekarany tezirek ashýǵa degen umtylyspen baılanysty ekenin atap ótti. Sondaı-aq mindetti 21 kúndik karantınnen ótpeıtinder qatarynda qonaqúıdiń top-menedjerleri, iri korporatsııalardyń basshylary, ǵalymdar, sondaı-aq kemeler men ushaqtar ekıpajdarynyń músheleri bar.