Ázerbaıjanda zańsyz avtoturaq uıymdastyrǵandarǵa aıyppul salynady

BAKÝ. QazAqparat - Ázerbaıjanda memlekettik jáne mýnıtsıpaldyq avtojoldarda aqyly turaq oryndaryn zańsyz uıymdastyrǵany úshin jańa aıyppuldar engiziledi, dep habarlaıdy QazAqparat menshikti tilshisi.

Bul týraly Ázerbaıjan Respýblıkasynyń Ákimshilik quqyq buzýshylyqtar týraly kodeksine engizýge usynylǵan túzetýlerde aıtylǵan.

Jobaǵa sáıkes, memlekettik nemese mýnıtsıpaldyq joldarda aqyly avtoturaqtardy zańsyz jasaǵany úshin jeke tulǵalarǵa 200 manat (120 dollar), laýazymdy adamdarǵa 500 manat (295 dollar), zańdy tulǵalarǵa 2 myń manat (1180 dollar) kóleminde aıyppul salynady.

Sonymen qatar, túzetýlerde avtoturaq erejelerin buzǵany úshin aıyppuldyń eki esege ulǵaıatyny da atap ótilgen.

Osylaısha, múgedekterdiń kólikterine arnalǵan turaqtarǵa basqa kólikterdi qoıǵany úshin aıyppul 10 manattan 20 manatqa (12 dollar) deıin kóterildi.

Jaıaý júrginshiler jolynda, sondaı-aq joldyń qıylysynda jáne qıylysatyn joldyń shetinen 5 metrden jaqyn jerde zańsyz toqtaý nemese kólik qoıý úshin 40 manat (24 dollar) kóleminde aıyppul salý usynylady.

Taǵy bir túzetý - eń joǵary massasy 3,5 tonnadan asatyn júk kólikterin turaqqa qoıý, sondaı-aq turaq oryndaryn brondaý arqyly nemese kez kelgen basqa jolmen kólik quraldaryn tegin qoıýǵa jol bermeý úshin aıyppul 10 manattan 20 manatqa (12 dollar) deıin kóterildi.

Sonymen birge, Ázerbaıjannyń «jol qozǵalysy týraly» Zańyna ózgerister engizý jobasynda turaq uzaqtyǵy 48 saǵattan aspaýy kerek, bul turaq uzaqtyǵyn 24-ten 48 saǵatqa deıin arttyrý múmkindigin bildiredi.

Serikbol Qoshmaǵanbetov