Ázerbaıjanda esirtki tasymaldaý arnasynyń joly kesildi

<p>ASTANA. KAZINFORM - Ázerbaıjannyń Memlekettik shekara qyzmeti (MShQ) Irannan elge esirtki zattaryn tasymaldaıtyn zańsyz arnany anyqtady. Bul týraly Ázerbaıjan Memlekettik shekara qyzmetiniń baspasóz qyzmeti habar taratty.</p>

Memlekettik shekara qyzmetiniń habarlaýynsha, 31 naýryzda Goradız shekara otrıadynyń aýmaǵynda qyzmetkerler Iran shekarasynan Ázerbaıjan baǵytyna ótip bara jatqan tártip buzýshylardy baıqaǵan.

Tártip buzýshylar shekarashylar buıryǵyna baǵynbaı, qolyndaǵy sómkeni tastap, aımaqtan qashýǵa árekettengen.

Jedel tergeý sharalary nátıjesinde shekarashylar Iran azamaty Ramazan Adıllıdi ustady. Ol 10 keliden astam marıhýanamen Ázerbaıjan shekarasyn zańsyz kesip ótpek bolǵan.

Sonymen qatar, shekarashylar R.Adıllıdiń sybaılasy bolǵan Ázerbaıjan azamattary Rasım Atakıshıev pen Ramıl Mýhammedti qolǵa túsirdi.

6 naýryz kúni Ázerbaıjan shekarashylary dál osy jerden 11 keli 250 gramm esirtki tasymaldaýshyny ustaǵan bolatyn.