Ázerbaıjanda vagon men kólik soqtyǵysyp, bir adam zardap shekti

BAKÝ. QazAqparat – Búgin Ázerbaıjannyń Gıandja qalasynda vagon men avtokóliktiń qatysýymen jol-kólik oqıǵasy oryn aldy, dep habarlaıdy QazAqparat tilshisi Apa.az-ǵa silteme jasap.

Agenttiktiń habaralýynsha, Gıandja qalasynda kenetten ornynan qozǵalǵan vagon júrip kele jatqan avtokólikti soqqan. Jol apaty «Pocht» aýylynda boldy.

Dálirek aıtqanda, vagon atalǵan jerde ornynan qozǵalyp, qorǵalmaǵan jolda júrip kele jatqan «VAZ 2107» markaly avtokóligine kelip soqqan. Saldarynan kólik júrgizýshisi jeńil jaraqattar alǵan.

Vagon «Ázerbaıjan memlekettik temir joldary» JAQ-qa tıesili ekeni habarlandy.

Atap óteıik, bul osy jyly Ázerbaıjanda vagonnyń qatysýymen bolǵan birinshi apat emes. Naýryzda Sýmgaıyt qalasynda qaıǵyly aıaqtalǵan jol apaty boldy. Jolaýshylar avtobýsy taýar tıelgen poıyzben soqtyqqan. Saldarynan poıyz jolserigi Mýbarız Abdýllaev qaıtys boldy. Soqqy kezinde onyń basy julynyp ketken.

Osy jyldyń mamyrynda osy qalada teplovoz ben mıkroavtobýs soqtyǵyp, apat saldarynan poıyz qurastyrýshysy Mýrtýz Abdýllaev qaıtys boldy.

Jalpy Ázerbaıjannyń ІІM Memleketik jol polıtsııasynyń bas basqarmasynyń derekterine saı, elde 2021 jyldyń birinshi jarty jyldyǵynda 756 jol-kólik oqıǵasy tirkelip, saldarynan 290 adam qaıtys bolyp, 698 adam jaraqattar alǵan. Alaıda bul ótken jylmen salystyrǵanda tórt ese az.