Ázerbaıjanda tórt aptada koronavırýs juqtyrǵandardyń 40%-ynan «omıkron» tabyldy

BAKÝ. QazAqparat – Konoravırýstyń «omıkron» shtamy álemniń kóptegen elderinde taralyp jatyr. Ázerbaıjanda osy shtamdy juqtyrǵandar sany ósip jatyr. Bul týraly Ázerbaıjan densaýlyq saqtaý mınıstri Teımýr Mýsaev Jedel shtab brıfınginde aıtty, dep habarlaıdy QazAqparat menshikti tilshisi.

Mınıstrdiń aıtýynsha, «omıkronnyń» taralý jyldamdyǵy basqa shtamdarǵa qaraǵanda óte joǵary, sondyqtan aýrý juqtyrýshylar sany jyldam ótýde. Maskalyq rejım men áleýmettik qashyqtyqty árbir azamat saqtaýy tıis.

«Barlyǵy maska taǵyp, áleýmettik qashyqtyqty jáne jeke gıgıenany saqtaýy kerek. Karantın rejımin qatańdatýǵa negiz joq, jańdaı baqylaýda. Barlyq qajetti medıtsınalyq jabdyqtar, dári-dármek, jatyn oryn jetkilikti. Buǵan qatysty problema joq. Bizdiń ári qaraı josparymyz jaǵdaıdyń qalaı ózgeretinine baılanysty», - dedi Teımýr Mýsaev.
Densaýlyq saqtaý mınıstrliginiń basshysy basqa elderdiń tájirıbesine súıene otyryp, «omıkron» shtamy tabylǵannan keıin bizdiń elimizde koronavırýs juqtyrǵan adamdardyń 40%-yna áser etýi múmkin dep boljaýǵa bolatyndyǵyn atap ótti.
Sońǵy ýaqytta Ázerbaıjanda koronavırýs juqtyrǵandar sany ósip jatyr. Ótken táýlikte 1151 adam vırýs juqtyrdy, toǵyzy qaıtys boldy. Mamandar ınfektsııa juqtyrǵandar sany kóbeıse, karantın rejımin qatańdatýy múmkin ekenin eskertedi.