Ázerbaıjanda referendým aıaqtaldy
Búgin tańǵy saǵat 8-00-de bastalǵan daýys berý sharalary jergilikti ýaqyt boıynsha 19-00-de aıaqtaldy. Saǵat 17-00-degi ýaqyt boıynsha saılaýshylardyń 63,6 paıyzy daýys bergen. Bul 3 mln 348 myń 535 adam. ıAǵnı, referendým ótkizilgen bolyp sanalady.
Saılaýdyń ashyqtyǵyn qamtamasyz etý maqsatynda búkil eldi qamtıtyn 119 saılaý okrýgterindegi 1000 saılaý ýchaskesinde veb-kameralar ornatyldy. 5 myń 600-den astam saılaý ýchaskeleri jumys istedi. Árbir saılaý ýchaskesine 10 baıqaýshydan keldi.
Saılaýdy baıqaý maqsatynda Ortalyq saılaý komıssııasyna EOPA men ózge de halyqaralyq uıymdardy qosa alǵanda 35 memleketten 117 halyqaralyq baıqaýshy qatysty. Eldegi 5 myń 600 saılaý ýchaskesinde 53 myń baıqaýshy otyrdy.
Daýys berý úderisin qysqamerzimdi baıqaý maqsatynda Ázerbaıjanǵa Túrkitildes memleketterdiń Parlamenttik Assambleıasyna kiretin halyqaralyq parlament depýtattarynyń mıssııasynyń ókilderi keldi. Atalmysh mıssııaǵa Qazaqstannyń Parlament Májilisiniń depýtatty Nurlan Dýlatbekov jetekshilik etti.