Ázerbaıjanda prezıdenttikke úmitkerler sany 17 boldy

<p>Ázerbaıjannyń ortalyq saılaý komıssııasy Avaz Temirhandy 7 aqpanda ótetin kezekten tys prezıdent saılaýyna qatysýǵa taǵy bir kandıdat retinde usynýdy maquldady, dep habarlaıdy <a href="https://www.inform.kz/ru/chislo-pretendentov-na-post-prezidenta-azerbaydzhana-uvelichilos-do-17-824ccf" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Prezıdenttikke úmitkerler sany 17-ge jetti.

Qazirgi ýaqytta qol qoıý paraqtaryn usynyp, búkil qajetti rásimnen ótken 3 kandıdat resmı tirkeldi.

Olar — ÁR qazirgi prezıdenti Ilham Álıev, ÁR Áleýmettik zertteýler ortalyǵy basqarmasynyń tóraǵasy Zahıd Orýdj jáne ÁR Mıllı Medjlısiniń VI shaqyrylym depýtaty Razı Nýrýllaev.

Qalǵan ótinish berýshiler zańǵa sáıkes óz kandıdatýrasyn tirkeý úshin qajetti sharalardy qabyldap jatyr. 

ÁR zańnamasy boıynsha 2024 jylǵy 3 qańtarda kandıdattardyń Ázerbaıjanda kezekten tys prezıdent saılaýyn daıyndaý jáne ótkizý jónindegi kúntizbelik josparǵa sáıkes belgili bir is-sharalardy (mátin daıyndaý, bekitý jáne bıýlleten pishini, sany, olardy shyǵarý talaptary) júzege asyrý merzimi aıaqtalady.

Ázerbaıjan prezıdenti 7 jyl merzimge saılanady.

Eske sala ketsek, jaqynda eldiń ortalyq saılaý komıssııasy Ilham Geıdar Oglý Álıevtiń kandıdatýrasyn «Enı Ázerbaıjan» partııasynyń atynan prezıdent laýazymyna úmitker retinde tirkegen edi.