Ázerbaıjanda prezıdenttik saılaý ótip jatyr

BAKÝ. QazAqparat - Ázerbaıjan Ortalyq saılaý komıssııasynyń málimeti boıynsha, saılaýshylardyń 18,71paıyzy, ıaǵnı 994 196 adam, kezekten tys prezıdenttik saılaýda jergilikti ýaqyt boıynsha saǵat 10-da (Astana ýaqyty boıynsha saǵat 12.00) daýys berdi. Bul týraly Ázerbaıjandaǵy  QazAqparattyń menshikti tilshisi habarlaıdy.

Esterińizge sala keteıik, 11 sáýirde Ázerbaıjan halqy el prezıdentin saılaıdy. Daýys berý 125 saılaý okrýgindegi 5 426 ýchaskede ótip jatyr. Úmitkerler qatarynda 8 adam bar. Olar: «Enı Ázerbaıjan» basqarýshy partııasy atynan Ilham Álıev, Biryńǵaı halyqtyń maıdan atynan Gýdrata Gasangýlıeva, sotsıal-demokrattar atynan Araz Alızade, «Ulttyq jańarý qozǵalysy» partııasynan  Faradj Gýlıev, maıdanshylardyń bastamashyl tobynan Razzı Nýrýllaev, «Zamanaýı Mýsaýat» atynan Hafız Gadjıev, ózin ózi usynǵan Zahıd Orýdj jáne eldegi demokratııalyq partııanyń atynan Sardar Mamedov.

2016 jyly referendýmda eldegi Konstıtýtsııaǵa engizilgen túzetýlerge sáıkes prezıdenttik saılaý árbir jeti jyl saıyn ótkiziledi.

Saılaýdy 900-ge jýyq halyqaralyq baqylaýshy qadaǵalaýda. Olardyń 61-i halyqaralyq uıymdardan, 59-y Ázerbaıjan azamattary, buǵan qosa 58175 jergilikti baqylaýshy bar.



Foto: trend.az