Ázerbaıjanda Parlamenttik saılaý halyqaralyq standarttarǵa sáıkes ótti - TúrkPA
14:15, 02 Qarasha 2015
BAKÝ. QazAqparat - TúrkPA mıssııasy Ázerbaıjanda ótken parlamenttik saılaý barysynda eshqandaı buzýshylyq anyqtamady.
Bul týraly búgin baspasóz konferentsııasynda TúrkPA baqylaýshy mıssııasynyń ókili, Qazaqstan Parlamenti Májilisiniń depýtaty Serikjan Qanaev málimdedi.
Onyń aıtýynsha, parlamenttik saılaý jergilikti zańnamaǵa jáne halyqaralyq standarttarǵa sáıkes ótti.
«Halyqaralyq baqylaýshylardyń jumys isteýi úshin barlyq qajetti jaǵdaılar jasaldy. Azamattardyń daýys berý júıesi qalypty deńgeıde ótti. Saılaýǵa daıyndyq úderisi joǵary deńgeıde uıymdastyryldy», - dedi S. Qanaev.
Eske salsaq, Ázerbaıjanda parlamenttik saılaýda, aldyn ala derekter boıynsha, 55,7 paıyz adam (2897188 saılaýshy) daýys berdi. Daýystyń basym bóligin «Enı Azerbaıdjan» basqarýshy kompanııasy ıelendi.