Ázerbaıjanda parlament saılaýyna daýys berý bastaldy

ASTANA. QazAqparat - Ázerbaıjanda jeksenbi kúni el parlamenti - Mıllı Medjlıske kezekti saılaýda daýys berý úshin saılaý ýchaskeleri ashyldy, dep habarlaıdy RIA Novostı.

Daýys berý jergilikti ýaqyt boıynsha saǵat 08.00-de bastaldy. Ol keshki saǵat 19.00-ge deıin jalǵasady. Ázerbaıjan parlamenti - Mıllı Medjlıs 125 depýtattan quralǵan bir palataly zańnama organy bolyp tabylady. Olar majorıtarlyq júıemen saılanady: el aýmaǵy 125 birmandattyq okrýgke bólingen, olardyń atynan shyǵý quqyǵy úshin birneshe kandıdat kúresedi.

OSK málimetterinshe, parlamenttegi 125 orynǵa 769 kandıdat tirkelgen, ıaǵnı ortasha esepen alǵanda bir depýtattyq mandatqa alty úmitkerden talasqa túsýde. Kandıdattardyń jartysyna jýyǵy - partııalardyń atynan shyqqandar. Saılaýǵa 15 partııa, sondaı-aq quramyna jeti partııa kiretin «Azadlyg-2015» («Erkindik») blogy qatysýda.