Ázerbaıjanda parlament saılaýy aldyndaǵy «tynyshtyq kúni» jarııalandy
Ázerbaıjan parlamenti - Mıllı Medjlıs 125 depýtattan quralǵan bir palataly zańnama organy bolyp tabylady. Olar majorıtarlyq júıemen saılanady: el aýmaǵy 125 birmandattyq okrýgke bólingen, olardyń atynan shyǵý quqyǵy úshin birneshe kandıdat kúresedi. OSK málimetterinshe, parlamenttegi 125 orynǵa 769 kandıdat tirkelgen, ıaǵnı ortasha esepen alǵanda bir depýtattyq mandatqa alty úmitkerden talasqa túsýde. Kadıdattardyń jartysyna jýyǵy - partııalardyń atynan shyqqandar. Saılaýǵa 15 partııa, sondaı-aq quramyna jeti partııa kiretin «Azadlyg-2015» («Erkindik») blogy qatysýda. «Tynyshtyq kúni» resmı túrde jergilikti ýaqyt boıynsha saǵat 08:00-de - jeksenbi kúni ótetin daýys berýge deıin 24 saǵat qalǵanda bastaldy. Bul sátten bastap kez kelgen saılaýaldy úgit-nasıhatqa tyıym salynǵan. Jeksenbi kúni jergilikti ýaqyt boıynsha saǵat 08:00-de elde 5,5 myńnan astam saılaý ýchaskesi ashylyp, saǵat 19:00-de jabylady. OSK saıtynyń málimetterinshe, tirkelgen saılaýshylardyń sany 5,1 mıllıonǵa jýyq adamdy quraıdy. Eldiń OSK 63 myńnan astam jergilikti baıqaýshy men 490 halyqaralyq baıqaýshyny tirkedi - óz mıssııalary retinde 40-tan astam halyqaralyq uıym delegat jiberdi.