Ázerbaıjanda «Ońtústik gaz dálizi» jobasy iske qosyldy
Bul týraly Anadoly agenttigi habarlaıdy.
Saltanatty sharaǵa Ázerbaıjan prezıdenti Ilham Álıev, Munaı eksporttaýshy elder uıymynyń (OPEK) bas hatshysy Muhammed Barkındo, jobaǵa seriktes elder men ony júzege asyrýǵa qatysýshy kompanııalardyń ókilderi qatysty.
Ázerbaıjan prezıdenti Túrkııa, Grýzııa, AQSh jáne EO elderine «Ońtústik gaz dálizi» jobasyna qosqan úlesteri úshin alǵys bildirip, onyń halyqaralyq yntymaqtastyqtyń arqasynda iske asyp otyrǵanyn jetkizdi.
«Ázerbaıjanda dáleldengen gaz qory 2,6 trıllıon tekshemetrdi quraıdy. Biz eń iri naryq sanalatyn Eýropaǵa kóp mólsherde tabıǵı gaz jetkizýge daıynbyz. «Ońtústik gaz dálizi» - Eýropanyń búkil energetıka kartasyn ózgertetin energetıka baǵdary. Jobany júzege asyrýda oǵan qatysýshy elderdiń barlyǵynyń múddeleri eskerildi», - deıdi Álıev.
«Ońtústik gaz dálizi» jobasynyń quny 40 mıllıard dollardy quraǵan. Oǵan Ázerbaıjannan tys, Grýzııa, Túrkııa, Grekııa, Bolgarııa, Albanııa, Italııa elderi kúsh salǵan, aldaǵy ýaqytta Bosnııa jáne Gertsegovına, Horvatııa, Chernogorııa qosylmaq.
Foto: sofrep.com