Ázerbaıjanda mıgranttardy ustaýdyń jańa erejeleri engiziledi
Jańa ereje sheteldik azamattar men azamattyǵy joq adamdardy, zańsyz mıgranttardy ustaý ortalyqtarynan bosatý rásimine qatysty. Bolý merzimderin naqty esepteýge erekshe nazar aýdarylady - sanaq endi ornalastyrý týraly resmı sheshim qabyldanǵan sátten bastap júrgiziletin bolady.
Jańartylǵan talaptarǵa sáıkes ortalyq atqarýshy organdarǵa mıgranttardy ustaý merziminiń aıaqtalǵany týraly aldyn ala — bir jumys kúni buryn habarlaýǵa mindetti.
Olardyń odan ári taǵdyry — merzimin uzartý nemese bosatý týraly sheshimdi sot qaýlysyn talap etetin jaǵdaılardy qospaǵanda, atqarýshy organ qabyldaıdy.
Ázerbaıjan Respýblıkasy Mıllı májilisiniń (parlamentiniń) Quqyqtyq saıasat jáne memlekettik qurylys komıtetiniń otyrysynda Kóshi-qon kodeksine túzetýler qaraldy. Talqylaýdan keıin zań jobasy daýysqa salynyp, birinshi oqylymda qabyldandy.
Parlament komıteti sondaı-aq Kóshi-qon kodeksine arnaıy ortalyqtarǵa ornalastyrylǵan zańsyz mıgranttardyń hattary men jedelhattaryn jiberý tártibin retteıtin túzetýlerdi de qarady.
Ózgeristerge sáıkes, zańsyz mıgranttar memleket esebinen aıyna eki ret hat nemese jedelhat jibere alady. Al, óz qarajaty esebinen jiberiletin korrespondentsııalar sany shektelmeıdi. Barlyq shyǵys hattar belgilengen erejelerge sáıkes tsenzýradan ótedi.
Sonymen qatar, sheteldiktiń jaqyn týystaryna nemese basqa adamdarǵa habarlaý úshin bir ret telefon soǵýǵa quqyǵy bolady. Endi aptasyna tórt ret 25 mınýtqa deıin qońyraý shalýǵa ruqsat etiledi.
Densaýlyǵyna baılanysty problemalar týyndasa, sheteldikke memleket esebinen qajetti medıtsınalyq kómek kórsetiledi.
Ázerbaıjan Respýblıkasy arnaıy ortalyqta qaıtys bolǵan zańsyz mıgranttardy jerleý shyǵyndaryn kóteredi.
Ázerbaıjannyń Memlekettik kóshi-qon qyzmetiniń málimetinshe, 2022 jyly elde 20 myńnan astam zańsyz mıgrant anyqtalǵan. Olardyń kópshiligi Ortalyq Azııa men Taıaý Shyǵys elderiniń azamattary. Olardy ýaqytsha ornalastyrý úshin Ázerbaıjanda eki mamandandyrylǵan ortalyq jumys isteıdi.
Buǵan deıin Reseıde Memlekettik Dýma zańsyz kóshi-qondy uıymdastyrǵany úshin qylmystyq jazany qataıtý týraly zań jobasyn qabyldaǵan bolatyn.