Ázerbaıjanda koronavırýstyń jańa shtamy anyqtalǵan joq – sarapshy
Medıtsınalyq profılaktıka ǵylymı-zertteý ınstıtýtynyń dırektory Adıl Allahverdıev osylaı dedi, dep habarlaıdy QazAqparat tilshisi.
Sarapshynyń aıtýynsha, COVID-19-dyń mýtatsııalanǵan shtamdary basqa elderde tirkelip jatyr. Sonyń biri – Túrkııa.
«Túrkııada koronavırýstyń brıtandyq jáne ońtústikamerıkalyq shtamdary tirkeldi. Sonymen qatar ataýy áli belgisiz úshinshi shtamm da kezdesti. Al Ázerbaıjanda jańa shtamdy juqtyrýdyń birde bir jaǵdaıy tirkelgen joq. Dese de, TƏBİB oqshaýlanǵan azamattardyń keıbiriniń synamasyn jiti tekserip jatyr. Bir qýanarlyǵy, olardan jańa shtamm anyqtalmady. Dese de arqany keńge salatyn emes. Elde jańa shtamm kez kelgen ýaqytta paıda bolýy yqtımal», - dedi A. Allahverdıev.
Dárigerdiń aıtýynsha, Ázirbaıjanda mýtatsııalanǵan vırýs Ulttyq gematologııa jáne transfýzıologııa ortalyǵynda zerttelýde.
«Bizde ol vırýsty tolyqqandy zertteýge múmkindik beretin qurylǵylar barshylyq. TƏBİB-pen birge bul zertteý jumysyn birneshe aıdyń ishinde uıymdastyrdyq. Ol genomdy analız nátıjesinde anyqtalady», - dedi ǴZI basshysy.
Instıtýt dırektory halyqty vaktsınalaý juqpaly aýrýlarmen kúresýdiń eń tıimdi ádisteriniń biri dep sendirdi. Vaktsınatsııa kezinde denede COVID-19 týdyratyn vırýstyń bólshekteri paıda bolady. Aǵzanyń ımmýndyq júıesiniń tinderi olardy tanıdy da, ımmýndyq júıe tinderiniń belsendiligi artyp, ınfektsııamen kúresti bastaıdy.
Dárigerdiń aıtýynsha, vaktsınalaýdan ótken adamdar koronavırýsty qaıta juqtyrýy múmkin. Vırýsqa qarsy antıdeneler adamdarda alǵashqy vaktsınadan keıin úsh aptadan keıin paıda bolady.
«Bul adamdar gıgıenany mindetti túrde saqtaýy kerek. Vaktsınalanǵan adam ne múldem aýyrmaıdy, al aýyryp qalsa, ońaı ótkeredi. Halqymyz bizdiń memleket vaktsına baǵytynda uzaq jumys istegenin bilýi kerek. Bizdiń elge eń senimdi vaktsına jetkizildi dep aıtar edim», - dep túıindedi A.Allahverdıev.
Eske sala keteıik, Ázerbaıjanda medıtsınalyq qyzmetkerler 18 qańtardan bastap, al 65 jastan asqan adamdar 8 aqpannan bastap vaktsına alýda. Sonymen birge 12 aqpanda epıdemııaǵa qarsy sharalarǵa aralasqan polıtsııa qyzmetkerlerin vaktsınalaý bastaldy.