Ázerbaıjanda koronavırýs juqtyrǵandar sany artýda

BAKÝ. QazAqparat – Ótken táýlikte Ázerbaıjanda COVID-19 juqtyrýyń 946 jaǵdaıy anyqtaldy, dep habarlaıdy qazAqparat tilshisi eldiń Úkimet janyndaǵy Jedel shtabqa silteme jasap.

Budan bólek, taǵy 228 adam emdelip shyqsa, aýrý juqtyrǵan 7 patsıent kóz jumdy. Qazirgi ýaqytta Ázerbaıjanda 49 959 adam koronavırýsqa shaldyqqan, olardyń 671-i qaıtys bolǵan. 41 279 adam saýyǵyp shyqqan. 8 009 patsıent em qabyldaýda. Pandemııa bastalǵaly respýblıkada COVID-19 vırýsynyń bar-joǵyn anyqtaıtyn 1 291 534 test (sońǵy táýlikte – 10 037) júrgizilgen.

Sondaı-aq koronavırýs juqtyrýshylar sanynyń artýyn eskere otyryp, Baký qalasynyń bıligi 24 jáne 25 qazan kúnderi el astanasy men qala mańyndaǵy 554 kóshe men dańǵylda dezınfektsııa jumystaryn júrgizdi. Dezınfektsııa jumystary aldaǵy ýaqytta Baký turǵyndarynyń qaýipsizdigi men densaýlyǵyn qamtamasyz etý sharalary aıasynda jalǵasady dep josparlanýda.