Ázerbaıjanda Qazaqstannyń mádenıet kúnderi ótti
Qazaq-ázerbaıjan qarym-qatynastaryn nyǵaıtý maqsatynda ózara mádenı kúnderdi ótkizý týraly tapsyrmany bıyl Memleket basshylary Qasym-Jomart Toqaev pen Ilham Álıev bergen bolatyn.
Іs-sharalarǵa Qazaqstan Respýblıkasynyń Mádenıet jáne aqparat mınıstri Aıda Balaeva men Qazaqstannyń Ázerbaıjandaǵy Elshisi Álim Baıel qatysty. Mádenıet kúnderi aıasynda «Hassaq» etno-folklorlyq tobynyń jeke kontserti men Ǵ. Músirepov atyndaǵy Qazaq memlekettik akademııalyq teatry qoıǵan «Qarakóz» spektakliniń kórsetilimi uıymdastyryldy.
Qorytyndy mádenı sharalar 2023 jyldyń 4 jeltoqsanynda Geıdar Álıev ortalyǵynda ótti. Munda Qazaqstannyń beıneleý óneriniń kórmesi ashyldy, onda ártúrli janrlar men stılderde jumys isteıtin qazaqstandyq jas sýretshilerdiń 46 biregeı jumystarynyń ekspozıtsııasy usynyldy.
Mınıstr A.Balaeva kórmeniń eki halyqtyń mádenı jańǵyrýynyń kórinisi ekenin aıtty. Kórmede keskindeme, grafıka, kesteleý, sándik-qoldanbaly óner sııaqty beıneleý óneriniń dástúrli túrlerimen qatar jańa túrleri – ınstallıatsııalar men art-nysandar qoıyldy.
Týyndylaryn kórmege qoıǵan sýretshilerdiń qatarynda Ásel Sabyrjanqyzy da boldy. Jas sýretshi erekshe kilemge sýret salý tehnıkasyn qoldanady. Sonyń ishinde túrki tarıhynan 14 áıel beınesin jasaǵan. Ol Ázerbaıjan kilem murajaıyn aralap, kórgeninen shabyttanyp, kórnekti aqyn Hýrshıdbaný Natavannyń portretin saldy. Portret Ázerbaıjan Májilisiniń tóraıymyna tabys etildi.
Mádenıet kúnderi Qazaqstan óner sheberleriniń saltanatty gala-kontsertimen aıaqtaldy. Іs-sharaǵa Ázerbaıjan Parlamentiniń Tóraıymy Sahıba Gafarova, Mınıstrler, Kavkaz musylmandary basqarmasynyń tóraǵasy, depýtattar, shet memleketterdiń Elshileri, halyqaralyq uıymdardyń basshylary, kórnekti mádenıet, ǵylym jáne óner qaıratkerleri qatysty.
Quttyqtaý sózinde QR Mádenıet jáne aqparat mınıstri Ázerbaıjannyń Qazaqstan úshin tatý kórshi, adal dos jáne baýyrlas el ekenin aıtyp, túrki álemin birge damytyp kele jatqanymyzǵa nazar aýdardy. Aıda Balaeva Ázerbaıjannyń Mádenıet mınıstri Ádil Kerımlıge jáne Qazaqstannyń Ázerbaıjandaǵy Elshisi Álim Baıelge, sondaı-aq olardyń ujymdaryna Mádenıet kúnderin joǵary deńgeıde ótkizýge jan-jaqty qoldaý kórsetkenderi úshin shynaıy alǵysyn bildirdi.
Gala-kontsertte Qazaqstannyń halyq ártisi Roza Rymbaeva, «Qurmet» ordeniniń ıegeri Zarına Altynbaeva, Qazaqstannyń eńbek sińirgen qaıratkerleri Álisher Karımov, Medet Chotabaev, Áıgerim Beketaeva, «Saltanat» memlekettik bı ansambli, «IL Canto», «Vıola», «T&Y» uıymdary Fıkret Ámirov atyndaǵy Ázerbaıjan memlekettik án-bı ansambli, «Ulytaý» toby jáne «Sazgen sazy» ansambli óner kórsetti. Ázerbaıjan jurtshylyǵy kontsertke tánti boldy.
Mádenıet kúnderi aıasynda resmı kezdesýler de ótti. Ázerbaıjan Prezıdentiniń kómekshisi Hıkmet Gadjıevpen kezdesýde mádenıet jáne aqparat salasyndaǵy ekijaqty yntymaqtastyqtyń keleshegi talqylandy.
«Ázerbaıjan úshin Qazaqstanmen strategııalyq qarym-qatynastar basymdyqqa ıe. Bizdi Qazaqstannyń kınematografııalyq tájirıbesi erekshe qyzyqtyrady. Sizderde anımatsııa jaqsy damyǵan», - dedi H.Gadjıev kezdesý barysynda. A.Balaeva bul baǵytta qoldaý kórsetýge ýáde berdi. Sháken Aımanov atyndaǵy «Qazaqfılm» Ulttyq kınostýdııasynyń muraǵaty, anımatsııalyq fılmder men «Balapan» balalar arnasynyń kontenti Ázerbaıjanǵa beriletin bolady.
Mınıstr sondaı-aq H.Gadjıevtiń jalǵan aqparatpen kúresý boıynsha halyqaralyq medıa-forým ótkizý týraly bastamasyn qoldady. Taraptar Ázerbaıjandaǵy kabeldik operatorlar jelilerinde qazaqstandyq «Balapan», «Habar 24», «Qazaqstan» telearnalaryn kórsetý jáne ázerbaıjandyq CBC TV telearnasyn Qazaqstanda taratý máselelerin talqylady.