Ázerbaıjanda «Qazaq ádebıeti aptalyǵy» bastaldy
Qazaqstan men Ázerbaıjan arasyndaǵy mádenıet pen ǵylym salasyndaǵy uzaqmerzimdi yntymaqtastyq baǵdarlamasyn júzege asyrý jumystary aıasynda 2021 jyldyń 7 sáýirinde Qazaqstannyń Ázerbaıjandaǵy elshisi Serjan Ábdikárimov Ázerbaıjannyń ǵylym akademııasyndaǵy Ortalyq ǵylymı kitaphanasynda bolyp, onda atalmysh kitaphana dırektory Mamed Alıevpen kezdesti.
Taraptar kitaphana ókilderi uıymdastyrǵan, sáýirdiń 7-si men 14-i aralyǵynda ótetin «Qazaq ádebıeti aptalyǵyn» birlesip ashty.
Sharanyń ashylý rásiminde sóılegen sózinde M.Alıev bul jobanyń eki memlekettiń mádenı jáne ǵylym salasyndaǵy ekijaqty yntymaqtastyǵyn nyǵaıtýǵa eleýli úles qosatynyn aıtty.
Óz kezeginde Serjan Ábdikárimov eki el jastarynyń bolashaǵy úshin bilim, kitapalmasý jáne ǵylymı zertteýlermen almasý baǵytyndaǵy baılanystardy keńeıtýdiń mańyzy zor ekenin jetkizdi.
Kezdesý qorytyndysy boıynsha, taraptar kitaphana isine qatysty ǵylymı-aqparattyq yntymaqtastyqty belsendendirip, osy baǵytta ǵylymı kitaphanalar jáne Qazaqstan men Ázerbaıjannyń mekemeleri arasynda tıisti kelisimge qol qoıatyn bolyp ýaǵdalasty.