Ázerbaıjanda karantın rejımi 1 shildege deıin sozyldy
Mınıstrler kabıneti janyndaǵy shuǵyl shtabtyń málimetinshe, Ázerbaıjanda 8191 adam koronavırýs ınfektsııasyn juqtyrǵan. Qazirgi tańda 3487 naýqas aýrýhanada em alyp jatyr.
Sońǵy ýaqytta Evlah, Ismaıl, Kıýrdamır jáne Salıan aýdandarynda aýrý juqtyrý faktileri jıilep ketti. Іndettiń taralý qarqynyn tómendetip, onyń saldaryn barynsha azaıtý úshin Baký, Gıandja, Lıankıaran, Sumǵaıyt qalalarynda, sondaı-aq Absheron, Evlah, Ismaıl, Kıýrdamır jáne Salıan aýdandarynda 14 maýsym saǵat 00.00 bastap 1 16 maýsym tańǵy 06:00 deıin qatańdatylǵan karantın rejımi engiziledi.
Osy ýaqyt aralyǵynda atalǵan aımaqtarda túrli salalardyń jáne qoǵamdyq kóliktiń jumysy toqtaıdy. Óńir turǵyndary basyna qaýip tónbese nemese jedel medıtsınalyq kómek kerek bolmasa, úıinen shyqpaýy tıis.
Bul aımaqtarda tek Mınıstrler kabıneti belgilegen memlekettik organdar, áskerı jáne quqyq qorǵaý organdary, aýrýhanalar, áleýmettik qyzmet kórsetetin mekemeler, kommýnaldyq qyzmetter, baılanys, sý, teleradıotaratý, temir jolda, teńizde jáne áýede júk tasymaldaý, nan pisirý jáne shtab bekitken basqa da uıymdar ǵana jumys isteıdi.