Ázerbaıjanda gaz óndirisi aıtarlyqtaı ósti
12:51, 27 Mamyr 2019
BAKÝ. QazAqparat - 2019 jyldyń qańtar-sáýir aılarynda Ázerbaıjanda 12,4 mln. tonna munaı men gaz kondensaty óndirildi, bul ótken jyldyń sáıkes merzimimen salystyrǵanda 2,9%-ǵa az, dep habarlaıdy «QazAqparat» HAA Trend-ke silteme jasap.
Ol kezeńde óndirilgen gaz kólemi shamamen 11,6 mıllıard tekshe metrdi qurady, onyń segiz mıllıard tekshe metrden astamy taýarlyq gaz. Jyl ishinde bul kórsetkish sáıkesinshe 20,2 jáne 30,3 paıyzǵa artty.
2019 jylǵy 1 mamyrdaǵy jaǵdaı boıynsha daıyn ónim (munaı) qory 219,2 myń tonnany qurady.
2018 jyly Ázerbaıjanda 38,76 mln. tonna munaı men gaz kondensatyn óndirgenin aıta ketý kerek, bul shamamen ótken jylǵy kórsetkishke teń. Ázerbaıjandaǵy munaı óndirýdiń negizgi bóligi «Azerı-Chırag-Gıýneshlı» (AChG).munaı-gaz ken ornyna túsedi.
Ázerbaıjanda 2018 jyly gaz óndirý 30,59 mıllıard tekshe metrdi qurady (ósim 7,1 paıyz), taýarlyq gaz óndirý - 19,2 mıllıard tekshe metr (ósim 5,8 paıyz).