Ázerbaıjanda erekshe karantın rejımi 1 qyrkúıekke deıin uzartyldy
01:38, 23 Shilde 2021
BAKÝ. ÁZERTADJ-QazAqparat - Ázerbaıjan Respýblıkasynda erekshe karantın rejımi sozyldy, dep habarlaıdy QazAqparat ÁZERTADJ agenttigine silteme jasap.
El aýmaǵynda erekshe karantın 2021 jyldyń 1 qyrkúıegi tańǵy saǵat 06.00 deıin kúshinde bolady.
Ázerbaıjan Respýblıkasynyń premer-mınıstri Álı Asadov osyǵan baılanysty jańa qaýlyǵa qol qoıǵan.
Oǵan sáıkes, 31 shilde saǵat 00.00 bastap 2 tamyz 06.00 deıin, 7 tamyz saǵat 00.00 9 tamyz saǵat 06.00 deıin, 14 tamyz saǵat 00.00 bastap 16 tamyz 06.00 deıin, 21 tamyz 00.00 bastap 23 tamyz 06.00 deıin, 28 tamyz 00.00 bastap 30 tamyz 06.00 deıin qoǵamdyq kólik qozǵalysy toqtaıdy, sondaı-aq Baký metropolıteninde jolaýshylar tasymalyna tosqaýyl qoıylady.
Atalmysh qaýly 2021 jyldyń 31 shildesinen bastap kúshine enedi.