Ázerbaıjanda AES qurylysyna qatysty daýys berýge arnalǵan saılaý ýchaskesi ashyldy

<p>BAKÝ. KAZINFORM &ndash; Qazaqstanda atom elektr stansasyn (AES) salý jónindegi respýblıkalyq referendým ótip jatqan QR Bakýdegi Elshiliginde №394 saılaý ýchaskesi saǵat 07:00-de (Astana ýaqytymen caǵat 08:00) ashyldy, dep habarlaıdy Kazinform agenttiginiń menshikti <a href="https://www.inform.kz/ru/v-azerbaydzhane-otkrilsya-izbiratelniy-uchastok-dlya-golosovaniya-po-aes-532681" target="_blank" rel="noopener">tilshisi</a>.&nbsp;</p>

Respýblıka boıynsha barlyǵy 180-ge jýyq saılaýshylarymyz tirkelgen. Ázerbaıjanda turaqty turatyn nemese ýaqytsha bolatyn 18 jasqa tolǵan Qazaqstan Respýblıkasynyń azamattary saılaý quqyǵyn paıdalana alady. Referendým ótetin kúni daýys berý úshin jaramdy tólqujat nemese QR azamatynyń jeke kýáligi bolýy kerek. №394 saılaý ýchaskesiniń mekenjaıy: Baký q., N. Rafıev kóshesi, 14. Ýchaske jergilikti ýaqyt boıynsha saǵat 20:00-de jabylady.

Buǵan deıin Seýldegi referendýmda birinshi qazaqstandyq bolyp halyqaralyq uıym qyzmetkeri Kamıla Maýtova daýys bergenin jazǵan bolatynbyz. 

Sondaı-aq, Beıjińdegi Qazaqstan Respýblıkasynyń Elshiligi men Shanhaı jáne Gonkongtaǵy Qazaqstannyń bas konsýldyqtarynda Atom elektr stansasyn (AES) salý jónindegi respýblıkalyq referendýmǵa daýys berý pýnktteri ashyldy. 

Ózbekstan astanasynda ornalasqan Qazaqstan elshiliginiń janyndaǵy referendým ýchaskesi jergilikti ýaqyt boıynsha saǵat 07:00-de óz jumysyn bastady.