Ázerbaıjanda 7 baldyq jer silkinisi boldy

BAKÝ. QazAqparat - Ázerbaıjan Ulttyq ǵylym akademııasynyń (ÁUǴA) Respýblıkalyq seısmologııalyq qyzmeti ortalyǵynyń habarlamasy boıynsha, 4 qyrkúıek kúni jergilikti ýaqytpen saǵat 09:49-da Shekı qalasynan 29 shaqyrym jerde jer silkinisi tirkelgen.

Onyń kúshtiligi 7 baldy qurady, jaqyn jatqan eldi mekenderde 5-6 balǵa deıingi jerasty dúmpýi sezildi. Jer silkinisi oshaǵynyń tereńdigi 13 shaqyrymdy quraǵan, magnıtýdasy - 5,9 boldy. Ázerbaıjan seımıskalyq aımaqta ornalasqan, sondyqtan osyndaı jer silkinisteri qalypty jaǵdaı bolyp tabylady, dep berdi túsiniktemesin ÁUǴA janyndaǵy Respýblıkalyq seısmologııalyq qyzmet ortalyǵy baspasóz qyzmetiniń basshysy Výsalıa Rafıggyzy. «Bul jer silkinisin kúshti deýge bolady. Onyń oshaǵy ornalasqan Shekı aýmaǵynda 7 balǵa deıingi jerasty dúmpýi sezilgen. Mıngıachevır, Evlah, Gıandja, Gekchaı jáne ózge de aýdandarda 5-6 balǵa deıingi dúmpý sezildi. Ǵımarattardyń qıraýy týraly aqparat ázirge kelip túsken joq», - dep atap ótti ol.