Ázerbaıjanda 6 jasqa tolmaǵan balalar da mektepke qabyldanbaq
16:13, 24 Mamyr 2018
ASTANA. QazAqparat - Ázerbaıjanda oqýshylardy birinshi synypqa qabyldaýda kezinde jasqa baılanysty shekteý joıylady. Bul týraly beısenbide Ázerbaıjan parlamentiniń bilim jáne ǵylym komıtetiniń tóraǵasy Isa Gabıbbeıli málim etti, dep habarlaıdy Trend.
Isa Gabıbbeıliniń sózine qaraǵanda, alty jasqa tolǵan balalar qaı aıda týǵanyna qaramastan, sol jyly birinshi synypqa qabyldanady.
Osyǵan baılanysty eldiń «Bilim týraly» zańyna da aıtalyqtaı ózgerister engizilip jatyr. Osy ózgerister bes jastaǵy balalardyń barlyǵyn daıyndyq toptaryna jiberip, altyǵa tolatyndardyń mektep tabaldyryǵyn attaýyna múmkindik beredi.
Aıta keteıik, qazir Ázerbaıjanda jalpy bilim beretin mektepterdiń birinshi synybyna 15 qyrkúıekke deıin alty jasqa tolatyn balalar qabyldanady.