Ázerbaıjanda 5.7 baldyq jer silkinisinen transformator jaryldy
09:12, 16 Qarasha 2017
ASTANA. QazAqparat - Ázerbaıjannyń Agdam aýdanynda 15 qarasha kúni 23:48-de 5,7 magnıtýdaly jer silkinisi tirkeldi Bul týraly Trend habarlaıdy.
Habarlamaǵa qaraǵanda, jerasty dúmpýleriniń magnıtýdasy 5.7 ball, qýaty 3-5 ball aınalasynda sezilgen.
Ázerbaıjanda bolǵan jer silkinisi saldarynan Agdam aýdany aıtarlyqtaı zardap shekti. Ýchoǵlan aýylynyń turǵyny Safarova Zahraǵa tıisti 3 bólmeli úı tutastaı qırap qaldy. Aýdannyń taǵy bir aýylynda transformator jarylǵan.
Zardap shekkender anyqtalý ústinde.