Ázerbaıjan Sırııaǵa gýmanıtarlyq kómek jiberdi

<p>ASTANA. KAZINFORM &ndash; Ázerbaıjan Respýblıkasy Prezıdentiniń tıisti tapsyrmasyna sáıkes, Sırııadaǵy gýmanıtarlyq problemalardy joıýǵa kómektesý úshin 30 jeltoqsanda Bakýden ártúrli azyq-túlik ónimderinen turatyn 10 júk kóligi jóneltildi, dep habarlaıdy <a href="https://azertag.az/ru/xeber/azerbaidzhan_otpravil_gumanitarnuyu_pomoshch_v_siriyu-3356915" target="_blank" rel="noopener">AZERTADJ</a> aqparat agenttigi.</p>

Agenttiktiń habarlaýynsha, jalpy salmaǵy shamamen 200 tonna bolatyn gýmanıtarlyq kómek Grýzııa men Túrkııa aýmaqtary arqyly Túrkııa-Sırııa shekarasyndaǵy «Chobanbeı» baqylaý-ótkizý pýnktine jetkiziledi dep josparlanyp otyr.

Foto: AZERTADJ

Bul kómekti Túrkııanyń Apattar men tótenshe jaǵdaılardy basqarý agenttiginiń (AFAD) qoldaýymen Sırııa Arab Respýblıkasynyń Idlıb qalasynda taratý josparlanǵan.

Gýmanıtarlyq kómek kolonnasyn jóneltý rásimine Ázerbaıjan Respýblıkasy Syrtqy ister mınıstrliginiń ókilderi qatysty.