Ázerbaıjan shetelge ketken ǵalymdaryn túgendep jatyr
09:42, 18 Qańtar 2018
ASTANA. QazAqparat - Ázerbaıjannyń ulttyq ǵylym akademııasy (ÁUǴA) ǵylymı qyzmetterin shetelde júrgizip jatqan óz ǵalymdarynyń elektrondyq derekter qoryn jasaıdy, dep habarlaıdy Trend.
Bul týraly ÁUǴA vıtse-prezıdenti Isa Gabıbbeılı aıtyp berdi.
Onyń aıtýynsha, derekter qoryna shetelde jumys jasap jatqan ǵalymnyń ómirbaıanymen onyń ǵylymı eńbekteri týraly aqparat engiziledi.
«Derekter qory arqyly biz álemniń túkpir-túkpirinde jumys istep júrgen ázerbaıjandyq ǵalymdarymyzben baılanysyp turamyz. Osy arqyly biz ortaq jobalardy júzege asyrýǵa múmkindik alamyz. Sondaı-aq, olar Ázerbaıjan ǵylymı mekemeleriniń sheteldegi granttyq baǵdarlamalarǵa qatysýyna járdemin tıgizedi», - dedi Isa Gabıbbeılı.