Ázerbaıjan saıasattanýshysy Elbasynyń bes áleýmettik bastamasy týraly aıtty

BAKÝ. QazAqparat - Ázerbaıjandyq sarapshy Raýf Radjabov Nursultan Nazarbaevtyń áleýmettik bastamalary halyqqa joǵary deńgeıde áleýmettik kómek kórsetýge baǵyttalǵan zamanaýı júıeler kesheni dep sanaıdy. Bul týraly «QazAqparat» HAA Ázerbaıjandaǵy menshikti tilshisi habarlaıdy.

«Prezıdent bastamalarynyń ádildigi men izgiligi - qazaqstandyq qoǵamnyń barlyq múshelerine, olardyń eńbektik úlesin eskere otyryp, teń quqyqty qorǵaý kepildikteri men jeńildikterin quqyqtyq negizde qamtamasyz etýdiń bir túri»,-deıdi R.Radjabov.

Ol sondaı-aq, Qazaqstan basshysynyń áleýmettik bastamalary eldegi bıliktiń naqty júzege asyryp jatqan is-áreketteriniń aıqyn belgisi ekendigine toqtalyp ótti. Sarapshynyń aıtýynsha, memlekettiń basty jáne basym róli áleýmettik jańǵyrtýdy júzege asyrýda. «Álbette, mundaı bastamalardy Qazaqstan sııaqty  tabysty jáne kúshti memleket, oıdaǵydaı júzege asyra alady», - deıdi Ázerbaıjan saıasattanýshy.

Sarapshy mundaı bastamalardyń  Qazaqstannyń óńirlerinde ónerkásipti jáne aýyl sharýashylyǵyn damytýǵa septigin tıgizetinin atap ótti. Osyndaı tásilmen kúsheıgen el ekonomıkasy jańa jumys oryndaryn qurýǵa múmkindik beredi jáne halyqtyń qarjylyq jaǵdaıyn jaqsarta túsedi.