Ázerbaıjan Respýblıkasynyń Prezıdenti Túrki keńesiniń Bas hatshysyn qabyldady

NUR-SULTAN. QazAqparat - Ázerbaıjan Respýblıkasynyń Prezıdenti Ilham Álıev 2019 jyldyń 16 sáýirinde Ázerbaıjanǵa resmı saparmen kelgen Túrki keńesiniń Bas hatshysy Baǵdad Ámireevti qabyldady. Bul týraly QazAqparat Túrki keńesiniń baspasóz qyzm etine silteme jasap habarlaıdy.

Júzdesý barysynda Bas hatshy Baǵdad Ámireev Túrki keńesiniń júrgizip jatqan jumysy týraly baıandady. Budan bólek, 2019 jyly 3 qazanda Ázerbaıjanda ótetin jáne Nahchyvan kelisiminiń 10 jyldyǵy atalyp ótetin Túrki keńesiniń 7-shi sammıtine daıyndyq, sammıt aıasynda uıymdastyrylatyn is-sharalar týraly habarlady.

Bas hatshy Ázerbaıjannyń Túrki keńesiniń múshe memleketteri arasyndaǵy yntymaqtastyq úderisine qosqan úlesi jáne belsendi qatysqany, sondaı-aq Keńestiń jumysyna úzdiksiz qoldaý kórsetkeni úshin joǵary mártebeli Ilham Álıevke alǵysyn bildirdi.

Sonymen qatar, kezdesý barysynda memleket basshylarynyń Túrki yntymaqtastyǵynyń ekonomıkalyq ólshemderin keńeıtý týraly sheshimderiniń oryndalýyn talqylandy. Taraptar ınvestıtsııalyq qor qurýǵa baılanysty sońǵy ózgerister men Túrkitildes memleketterdiń birlesken saýda-ónerkásip palatasyn qurýdy aıaqtaý jóninde atqarylyp jatqan jumys týraly pikir almasty.

Prezıdent Álıev múshe emes memlekettermen qarym-qatynasty nyǵaıtý jáne halyqaralyq uıymdarmen yntymaqtastyqty damytý, sondaı-aq Keńestiń álemde tanymaldyǵyn arttyrýǵa baǵyttalǵan Hatshylyqtyń barlyq sharalaryn tolyq qoldaıtyndyǵyn bildirdi.