Ázerbaıjan, Reseı, Qazaqstan men Ózbekstan aýmaǵynan halyqaralyq avtojoryq júrip ótedi

<p>TMD Úkimetaralyq jolshylar keńesi uıymdastyrǵan VII halyqaralyq avtojoryq Ázerbaıjan, Reseı, Qazaqstan men Ózbekstan aýmaǵynan ótedi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://azertag.az/ru/xeber/po_territorii_azerbaidzhana_rossii_kazahstana_i_uzbekistana_sostoitsya_mezhdunarodnyi_avtoprobeg-2868535/" target="_blank" rel="noopener">AZERTADJ</a> agenttigine silteme jasap habarlaıdy.</p>

Avtojoryq 2024 jylǵy 28 sáýir men 8 mamyr aralyǵyna josparlanǵan.

Uzaqtyǵy — 11 kún jáne 2500 shaqyrym.

Avtojarys baǵyty mynadaı: Baký — Gýba — Ázerbaıjannyń Reseımen shekarasy — Derbent — Mahachkala — Astrahan — Reseıdiń Qazaqstanmen shekarasy — Atyraý — Beıneý — Qazaqstannyń Ózbekstanmen shekarasy — Núkis — Hıýa.

Halyqaralyq avtojarys aıasynda Baký, Mahachkala men Núkiste halyqaralyq úsh konferentsııa ótedi dep josparlanǵan.

Mundaı is-sharalar avtojol isin zertteý, tas joldardyń qurylysy, jobalaý men paıdalanýǵa berilý joldaryn tanytý, jol qozǵalysy qaýipsizdigin arttyrý, qorshaǵan ortany qorǵaý, sondaı-aq Ázerbaıjan, Reseı, Qazaqstan, Ózbekstan men jalpy TMD halyqtarynyń seriktestigi men dostyǵyn nyǵaıtýǵa baǵyttalǵan.

Qatysýshylarǵa túrli syılyqtar, medaldar men marapattar tabystalady.