Ázerbaıjan Prezıdenti Qazaqstan halqyna kóńil aıtty
«Almaty mańyndaǵy ushaq apaty saldarynan qaza tapqan adamdar týraly habardy zor kúızelispen qabyldadyq. Osy qaıǵyǵa baılanysty óz atymnan jáne Azerbaıjan halqy atynan qaza bolǵandardyń otbasylaryna, týǵan-týystaryna qaıǵyryp kóńil aıtamyn. Apattan zardap shekkender men jaralanǵandardyń tezirek saýyǵyp ketýine tilektespiz»,-delingen Ázerbaıjan basshysynyń kóńil aıtý habarlamasynda.
Qaıǵyly oqıǵa belgili bolǵannan keıin Ázerbaıjandaǵy QR Elshiligine baýyrlas eldiń túrli saladaǵy ókilderinen, onyń ishinde qoǵamdyq-saıası, isker top, sondaı-aq qarapaıym jandardan kóńil aıtqan habarlamalar túsken. Olar da zardap shekkenderdiń tezirek jazylyp shyqqandaryn tileıdi.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
Avtor:
Bekbaý Taımanov