Ázerbaıjan Prezıdenti Ilham Álıevti ulyqtaý saltanaty ótti

BAKÝ. 19 qazan. QazAqparat - Búgin Mıllı Medjlıste (parlament) Ázerbaıjan Prezıdenti bolyp saılanǵan Ilham Álıevti ulyqtaý saltanaty ótti.

Saltanatty rásimge ázerbaıjan memleketiniń resmı tulǵalary, úkimet músheleri, parlament depýtattary, Prezıdent otbasynyń músheleri qatysty.

Ázerbaıjan Prezıdenti Ilham Álıev Ázerbaıjan Konstıtýtsııasyna qolyn qoıyp, ant berdi.

«Ázerbaıjan Respýblıkasy Prezıdentiniń ókilettigin júzege asyra otyryp, memlekettiń táýelsizdigin jáne aýmaqtyq tutastyǵyn qorǵaýǵa, halyqqa adal qyzmet etýge ant beremin!» - dedi Ilham Álıev.

Ázerbaıjan Prezıdenti ulayqtaýda uzaq sóz sóıledi.

Ázerbaıjannyń Memlekettik týy jáne Ázerbaıjan Prezıdentiniń shtandarty sahnadan áketildi.

Osymen ulyqtaý saltanaty aıaqtaldy.