Ázerbaıjan Prezıdent Toqaevtyń basshylyǵymen júrgizilip jatqan reformalardy qoldaıdy - Ilham Álıev
«Qurmetti Qasym-Jomart Kemeluly, qurmetti memleket jáne úkimet basshylary, hanymdar men myrzalar! Bárinen buryn Qazaqstan Prezıdenti Qasym-Jomart Toqaevqa AÓSShK VI sammıtine shaqyrǵany úshin jáne qonaqjaılyǵy úshin alǵys aıtqym keledi.
Prezıdent Q.Toaqevtyń jýyqta ǵana Ázerbaıjanǵa jasaǵan sátti sapary kezinde kún eki jaqtyń tártibindegi ózekti máselelerdi qamtyǵan jemisti talqylaýlar júrgizgen edik. Ázerbaıjan Qazaqstanda Prezıdent Toqaevtyń basshylyǵymen júrgizilip jatqan saıası, áleýmettik-ekonomıkalyq reformalardy qoldaıdy», - dedi Ázerbaıjan basshysy.
Onyń aıtýynsha, 2022 jyldyń 9 aıynda Ázerbaıjan aýmaǵy arqyly ótken tranzıt kólemi shamamen 65 paıyz ósken.
«Ázerbaıjan iske asyryp jatqan kólik ınfraqurylymyn qurýǵa baǵyttalǵan keń aýqymdy jobalar bizdiń eldi álemdegi mańyzdy kóliktik jáne logıstıkalyq ortalyqtardyń birine aınaldyrdy», - dedi Ilham Álıev.