Ázerbaıjan Ortalyq Azııa elderimen keme qatynasyn ıntegratsııalamaq

BAKÝ. Trend – QazAqparat - Baký qalasynyń kemjaıy men Ortalyq Azııa kemejılary PCS (kemejaı ınfraqurylymyn basqarý) baǵdarlamasy boıynsha yntymaqtastyq aıasynda aqparattyq júıelerin biryńǵaı platformalarǵa ıntegratsııalaýda. Bul týraly Port Of Baku Strategııalyq josparlaý jáne damý deparmentiniń bastyǵy Hýdaıar Gasanlı málim etti, dep habarlaıdy QazAqparat Trend aqparat agenttigine silteme jasap.

«Ortalyq Azı elderinen bólek, biz sondaı-aq ózimizdiń aqparattyq júıelerimizdi Batys porttarymen de ıntegratsııalaýdy josparlap otyrmyz. Búgingi kúni ıntegratsııa protsesi jarym-jartylaı iske asyrylǵan. Júk avtomobılderi shekara baqylaýynan ótken kezde, kedennen ótý protsesin jeńildetilgen úlgide júzege asyrady. Sondaı-aq osyǵan uqsas jumystar temirjoldarda da júrgizilýde, ilki jobalarda bastalyp ketken. Shyǵys baǵyttaǵy porttarmen de ıntegratsııalaý josparda bar», - dedi Gasanlı.

Departament bastyǵy osyǵan uqsas jumystar túrikmen tarapymen de júrgizilip jatqanyn atap ótti. «Keıbir qıyndyqtarǵa qaramastan, biz aldaǵy ýaqytta úzdik nátıjelerge qol jetkizý úshin bar kúshimizdi salyp otyrmyz. Álemdik praktıkada porttyq aqparattyq júıelerdiń basqa porttardyń júıelerimen ıntegratsııalanatyn osyǵan uqsas jaǵdaılar óte az», - dep atap ótti ol. Bul jobanyń iske asyrylýy shekara beketinde bolý ýaqytyn qysqartady.

«Kele jatqan kólik túri, onyń júgi, keıingi baǵyty, taǵy basqa aqparatty aldyn ala alamyz», - dep atap ótti ol.