Ázerbaıjan munaı óndirý kólemin arttyrýdy toqtatty
08:17, 07 Naýryz 2016
ASTANA. QazAqparat - Ázerbaıjan 2016 jyly munaı óndirý kólemin 2015 jylǵy deńgeıde ustap turý nıetinde. Bul týraly jergilikti BAQ-tarǵa bergen suhbatynda Ázerbaıjan Memmunaıkompanııasynyń prezıdenti Rovnag Abdýllaev aıtty.
Ol óndirý kólemin arttyrý jónindegi jobalardyń qazirdiń ózinde toqtatylǵandyǵyn atap ótti.
«Munaı óndirý Ázerbaıjanda ótken jylǵy deńgeıden ósirilmeıdi», - dedi kompanııa basshysy.
Ázerbaıjan Memmunaıkompanııasy 2015 jyly 8, 16 mln tonna munaı óndirgen. Al jalpy alǵanda ótken jyly Azerbaıjanda jalpy 41,59 tonna munaı óndirildi.
2015 jyly bul el táýligine 0,8 mln barrel munaı óndirdi.