Ázerbaıjan men Qazaqstan energetıka jáne kólik salasyndaǵy yntymaqtastyqty talqylaıdy
03:18, 18 Qyrkúıek 2016
ASTANA. QazAqparat - Astanada 21-22 qyrkúıekte úkimetaralyq qazaqstan-ázerbaıjan ekonomıkalyq yntymaqtastyq jónindegi komıssııanyń 13-inshi otyrysy ótedi, delingen Qazaqstannyń Bakýdegi elshiliginiń habarlamasynda.
Ázerbaıjandyq delegatsııany úkimetaralyq komıssııanyń teń tóraǵasy -energetıka mınıstri Natıg Alıev basqarady, dep habarlaıdy Trend.
«Taraptar energetıka salasyndaǵy ekijaqty yntymaqtastyqtyń, saýda-ekonomıkalyq jáne ınvestıtsııalyq baılanystardyń, tranzıt jáne kóliktik júıe, aýyl sharýashylyǵy, bilim jáne týrızmniń keń aýqymdy máselelerin talqylaýǵa nıetti.
Otyrys qorytyndysy boıynsha hattamaǵa qol qoıylady. Úkimetaralyq komıssııa 2017 jyly Bakýde ótedi.
Qazirgi ýaqytta Qazaqstanda azerbaıjandyq kapıtaldyń qatysýymen 700 kompanııa jumys isteýde.
Ázerbaıjanda qazaqstandyq kapıtaldyń qatysýymen 60 fırma tirkelgen.