Ázerbaıjan men Armenııa bir-biriniń aýmaqtyq tutastyǵyn moıyndady

PRAGA. Ázertaj-Armenpress- QazAqparat - Pragada Ázerbaıjan Prezıdenti Ilham Álıevtiń Frantsııa Prezıdenti Emmanýel Makron, Eýropalyq Odaq Keńesiniń tóraǵasy Sharl Mıshel jáne Armenııa premer-mınıstri Nıkol Pashınıanmen kezdesýinen keıin birlesken málimdeme qabyldandy. Bul týraly QazAqparat Ázertaj jáne Armenpress aqparat agenttikterine silteme jasap habarlaıdy.

«Armenııa men Ázerbaıjan Birikken Ulttar Uıymynyń Jarǵysyna jáne 1991 jylǵy Almaty deklaratsııasyna adaldyǵyn taǵy kórsete otyryp, bir-biriniń aýmaqtyq tutastyǵy men egemendigin moıyndaıdy», delingen Elıseı saraıynyń resmı saıtynda jarııalanǵan málimdemede.

Taraptar bul delımıtatsııa jónindegi komıssııa qyzmetiniń negizi bolyp tabylatynyn jáne kelesi otyrys qazan aıynyń sońynda Brıýsselde ótýi tıis ekenin aıtty.

«Armenııa Ázerbaıjanmen shekarasyna EO-nyń azamattyq mıssııasyn jiberýge, al Ázerbaıjan bul komıssııamen yntymaqtasýǵa kelisti. Mıssııa óz jumysyn qazan aıynda bastap, 2 aı ishinde aıaqtaıdy», - dep tolyqtyrylǵan málimdeme mátininde.