Ázerbaıjan mádenı ortalyqtary odaǵynyń basshysy ómirden ozdy

ASTANA. QazAqparat - Astanada QR-daǵy Ázerbaıjan mádenı ortalyqtary odaǵynyń basshysy, Qazaqstan halqy Assambleıasynyń múshesi, «Turan-ekspress» gazetiniń bas redaktory Vıdadı Salahov ómirden ótti. Atalmysh aqparatty QazAqparat tilshisine QHA baspasóz qyzmeti rastady.

Vıdadı Salahov 1957 jyly 31 jeltoqsanda ómirge kelgen. Voronej memlekettik ýnıversıtetinde bilim alǵan. Ár ýaqytta Tselınograd №23 orta mektepte tarıh pániniń muǵalimi bolǵan. Sonymen qatar, «Prıziv», «Azamat» jáne «Taıms» gazetteriniń tilshisi qyzmetin atqarǵan. 2004 jyldan beri «Turan-ekspress» gazetiniń bas redaktory bolyp eńbek etken.